DINFEL NAK

Mithiam sang pakhat nih “DINFELNAK” kha rili chung ah a hlawnh. “DinFelnak” cu ti aa lio lengmang i nikhat cu rili fonghlei pakhat ah a va chuak.”DinFelnak” nih cun bawmhhal ding in rili chung ah ho dah ra te hnga tiah a hngak bu in rili fonghlei ah cun a choklen ko.

Nikhat cu rili cung in hla sak thawng pakhat kha a theih i a zau nak cun a rak tho i bawmh hal ding in rili cung cu lungtho thanuam ngai in a vun zoh. Rili cung ah cun Tilawng hme te pakhat a mah lei i a rat ko kha a hei hmuh. Tilawng i an Thantar (အာလံ) cu a hei zoh i “NUAMH NAK” tiah a tar kha a hei hmuh. “DinFelnak” nih cun a hei auh i
kahin “Nuamh nak ” “Nuamh nak” “DinFelnak” ka si zaangfah nak te in nan sin ah ka ra kho ve hnga maw tiah bawmh a hei hal.”Nuamh nak” nih cun a theih tik ah a nih pah khin, Dinfel nak a um ah cun zei tin kaa nuamh khawh ti lai.
Kan vawlei pi khi zoh law a hman ning in an chim ruang ah a nuam lo mi tam pi an um khi, kan in bawm kho lai lo e a ti i “Nuamh nak” nih cun a kal tak.

Caan tlawmpel a rauh hnu ah “Hmunhma” a rak rat kha a hei hmuh țhan. “hmunhma” a hei hmuh cun “DinFelnak” nih cun “Hmunhma” “Hmunhma” “DinFelnak” ka si e. Nan tilawng ah ka rak in zul kho ve hna hnga maw? tiah bawmh a hal țhan hna.”hmunhma” nih cun a kal pah khin a ngah lai lo kan in bawm kho lai lo.A tu ban tuk in hmunhma ngah nak ding hi a fawi mi si lo. Nang mah kan in bawmh cun kei mah le ka hmunhma hmenh ka kilveng kho lai lo tiah a ti i a kal tak hoi.

“DinFelnak” cu lungdong le ngeihchia ngai khin a zau bu khin bawmh hal ding ah mi a hngak țhan.

Caantlawm pel a rauh baak khin rangngai khin “Zuamcawh nak” a rak rat khi a hei hmuh.”DinFelnak” nih cun tutan cu a ka bawmh hrim cang lai tiah ruahchan nak nganpi he a hei auh țhan.
“Zuamcawh nak” zaangfah tein nan sin ah ka ra kho ve hnga maw? tiah bawmh a vun hal țhan.
“Zuamcawh nak” nih cun ‘ho dah na si ka caah zeidah țhathnem nak na ngeih lai tiah a vun hal.
“DinFel nak” nih cun a si ning kha a chim ngam huaha ti lo. Kachim cun an ka cohlang duh lai lo ti kha aa theih. Nain “DinFelnak” cu dinfel nak si ko . A chim duh lo nain “DinFel nak” ka si tiah a hei chim.
‘ Aw… Dinfelnak ma na si, nangmah kan sin na rat cun harsat nak pei na kan pek ko lai cu mah tluk in dinfel lo nak in zuamcawh awk a tam mi hi’ tiah a leh i a kal tak țhan.

“Felfainak” cu lungdong vansang ngai in a um ko lio ah cun a hlat ngai nak khin aw pakhat a vun theih țhan.
nangmah kha ka sin ah rak kai tiah putar pa pakhat nih a vun auh pah khin ka min cu “Acaan ” ka si tiah a vun ti.
“DinFelnak” nih cun ka pu ziah kei mah cu na ka bawmh! tiah a vun hal.
Putar pa nih cun “DinFelnak” a biapi ti mi hi “Acaan” lawng nih ka theih ee.

An kal tlawm pel ah “Nuamh nak” ,”Hmunhma” le “Zuam cawh nak” pawl an tilawng a rak rawh kha putar pa nih cun a vun hmuh tik ah a thawpi a chuah i ‘aww…. “DinFelnak” um lo hin cun “Nuamh nak” ,Hmunhma” le Zuamcawh nak” pawl hi sau a ram kal kho hrim lo hi mu tiah a ti.

Crd: http://www.zijiu.org.

  1. copy by,
    Chrislian

Leave a Comment

Your email address will not be published. Required fields are marked *