MYANMAR NIH ICJ AH A HMAISA BIK THEIHTERNAK (REPORT) CA A TIAL

MYANMAR NIH ICJ AH A HMAISA BIK THEIHTERNAK (REPORT) CA A TIAL

Tuni May 23 ah Myanmar cozah nih ICJ ah theihternak (Report) ca a tial, tiah theih a si. ICJ nih Myanmar cung i biakhiahnak a tuahmi ah biakhiahnak tuah in thlali chungah Myanmar cozah a riantuannak le cawlcanghnak kha ICJ ah a theihter lai timi bia a um ruangah atu bantukin theihternak ca an tial hi a si.

Cu ca ah zeidah an tial ti cu Myanmar cozah lei nit thawing fiang an thanh lo nain ramchung nuhrin covo le ramdang ah a kal i a rak tlung thanmi hna kong i an cawlcanghning a si lai tiah an ruahdamh.

Hi theihternak ca tial dingah hin ralkap lei zong nih biatak tein kan bawmh hna tiah ralkap lei thawngpang chimphuannak nawl a ngeitu Ralbawi Zaw Min Thun nih a chim.

Rohinya miphun hna cungah miphun cihmihnak nan tuah tiin Gambia nih a luancia kum November ah Internatiol Court of Justice (ICJ) ah Myanmar cu taza a rak cuai. Dec 10-12 tiang Netherland ram ah a ummi ICJ biaceihzung ah Myanmar cu biaceih a si i Suh Kyi le bochanmi upa cheukhat an rak kal. January, 2020 ah ICJ nih a donghnak biakhiahnak tuah hlan chung Myanmar nih a zulh dingmi kong biakhiahnak pali a tuah.

Hi theihternak ca hi mah nih va kal hau loin ca in kan kuat lai tiah ramleng pehtlaihnak zung bawi U Chian Aye nih a chim.

Source: BBC Burmese

Leave a Comment

Your email address will not be published. Required fields are marked *