Rakhine state Maylun khua le Chaungnet khua ah bomb an thlak.

Ka fapa he inncar leiah kan ikholh lio cuahmah lio ah cun kan khua tlang leiin helicopters 5 an rak zuang I bombs an rak thlak. Cu le cangka in kan zam ko nain ka fapa Maung Nyi Myint Lwin,16, cu bomb nih a den ruangah athi. Anu zong hliamhma a tuar i keimah zong ka ke ah bomb nih a ka hliamh ve tiah Maung Nyi apa U Aung Kyaw Sein nih a chim. Kawl ralkap nih hin Rakhine state Maylun khua le Chaungnet khua ah bomb an thlak. Mah bomb an thlaknak khuate pahnih ah hin minung pahnih an thi. Maylun khuate ah hin Maung Nyi Myint Lwin,16, athi i, Chaungnet khuate ah hin U maung Tun Sein,51, athi ve.

Hi kongah kawlram ralkap nih cun kanmah tuahmi asi lo, Helicopter in bomb kan thla lo hrim hrim tiah an ti. U Aung Kyaw Sein nih a chim rihmi cu, kawl ralkap bomb nih kan inn zong a hrawh dih tiah a ti. Chaungnet khuami Ko Me Toke nih a chim ningah cun, kan khua pawng I tlang cu heh tiah Helicopters 5 in bomb in an kah. Bomb kuan nih kan khuachung a den caah inn tampi a hrawh hna I minung thihnak tiang kan phanh hi a si. U Maung Tun hi meithal kuan nih ataang ah a khen tiah a ti.

Zeiruang ah dah Helicopters 5 nih kan khua kam tlang hi an kah hnga ti aruang kan thei kho hrim lo. Hi lio caan ah hin zeihmanh raldohnak thawng zong a um lo tiah a chim chih. Kawl ralkap spokesman Brigadier General Zaw Min nih cun hi hi a diklomi a si tiah a ati ve. Chaungnet khuami athimi U maung Tun Sein hi Chinmi zong asi kho. A ruang cu report nih achim ning ah cun, mah khua Maung Tun thihnak khua Chaungnet pawngkam khua minung hi atam deuh cu CHIN an si tiah a ti.

Leave a Comment

Your email address will not be published. Required fields are marked *