HONG KONG MIRUM LI KA SING BIA ROLING

HONG KONG MIRUM LI KA SING BIA ROLING

  1. Mi pakhat cu si a duhmi kha hlawhtlin dingin ka tuah hrimhrim lai tiah a fekmi biakhiahnak a ngeih a herh. A fekmi biakhiahnak a tuahmi cu si a duhmi kha a hlawhtlin hlan lo lungdong loin aa zuam peng lai.
  2. Mi pakhat i a hmailei nunnak khi nifatin aa manh caan ah zeidah a tuah timi cungah aa hngat, zaanriah na ei dih in ih hlan suimilam 2/3 chung kha ca rel, cun na relmi kha tuaktan. Thilṭha a chuahpi dingmi kha midang he i ruahṭinak ngei uh. Cuticun nifatin na tuah ahcun hlawhtlinnak timi mileng nih na innka a rak kingh lai i na hmaiah a ra hrimhrim ko lai.
  3. Tleirawl ka si lio i plastic sehzung ah rian ka rak ṭuan ah khan nikhat ah suimilam 16 chung ka ṭuan, nitin in ka ṭuan. Kumkhat chungah hin Tuluk kumthar puai chungah nihnih lawng kaa din.
  4. Theihkauhnak (knowledge) nih rumnak ding caah amahkhan a kan pe kho lo, sinain caanṭha hmuh zia thiam dingin innka a kan on piak. Caanṭha kan hmuhmi lakah zei hi dah kan caah a ṭha bik lai ti kha theihkauhnak in thleidan thiamnak a kan pek (Primary tiang lawng sianginn ka kai khawh caah theihkauhnak hi carelnak in ka hmuhmi an si.
  5.  Carelnak  thawngin sipuaizi tuahnak ah hlawhtlinnak hmuh a si ti kha vawlecung tuanbia ah fiang tein hmuh khawh a si.
  6. I zuamnak timi hi caanṭha nakin tampi a biapi deuh. I zuamnak a um lo ahcun caanṭha hmuhmi kha pakpalawng ah canter a fawi tuk.
  7. Nangmah le nangmah kha ṭhangcho dingin i zuam peng. Cun rian na ṭuan tikah a ṭha bik in ṭuan khawh i zuam, cuticun a si kho lai lo tiah na ruahmi kha a tak i a si ko lai.
  8. Mi vanṭha ka si ruangah a rummi ka si lo, kaa tinhmi ka phak khawhnak dingah thachia le lungdong lo tein kaa zuam peng caah a si.
  9. Thlichia nih a hranh pengmi hmun le lung hrekhrok lak i a kheomi thingkung fate bantuk ka si. Lung lakah a kheomi thingkung khi hmete ko hmanhseh fawi tein phawi khawh a si lo.
  10. Dinfelnak timi cu a man a tam tukmi a si ruangah mi sawhsawh hna lakah na hmu lai lo.
  11. Minthatnak  hi sipuaizi tuahnak ah a biapi bikmi a si. Na min a chiat lo nak dingah ṭuanti hawi hna sinah zumhtlak in um, cun dinfel i zuam.
  12. Na rianṭuan hawi hna kha nan ṭuanṭi mi rian in nan hmuhmi chungin dik tein an covo pe hna, cuti na tuah ahcun na sinah an ra ṭhan lengmang lai. Na sin i an rat ṭhan tikah an taklawng in si loin thilṭha tampi an i ratpi chih lai.
  13. Tangka hi na hman hnuah khong hlah, na khon hnuah a taangmi kha hmang deuh.
  14. Na herh lomi na cawk ahcun a rauh hlanah na herhmi zuar a hauh caan na phan colh lai.

Salai  VB Lian (Vomkua)

Note: Amah Li Ka Shing tuanbia ka vun tial than te lai.

Leave a Comment

Your email address will not be published. Required fields are marked *