DIKARI LAKNAK AH CAWLENG IN A KALMI: A Sining A Zahpi Lotu

DIKARI LAKNAK AH CAWLENG IN A KALMI: A Sining A Zahpi Lotu

Irrawaddy ramṭhen chungah a ummi Ma U Pin (မအူပင္) University a voi 14 nak dikari peknak puai cu Jan 26 ah sunglawi taktak in tuah a si. Cu ah cun nu pakhat cu cawleng in a ra, tiah theih a si.

Cawleng in dikari laknak ah a rami nu cu Ma U Pin myone Ta Loh Lat khuami Ma Min Min Khain a si, History Major in dikari a lakmi a si. Lothlo sifak chungkhar te an si caah cawleng in a ratnak a si tiah a ti.

“Ka pi le ka pu chan in lothlomi kan si bantukin cawleng in ka ratnak a si, ka thinlung ah lawmhnak in a khat” tiah Ma Min Min Khain nih a chim. Dikari laknak ah cawleng in rat hi Ma U Pin University ahcun a voikhatnak a si.

Ma U Pin University cu 2003 ah an onmi a si. Tutan a voi 14 nak dikari peknak ah dikari a lami 282 an si.

Shwe Thadin

Biatenh: Minung tampi cu chungkhar sining nih a tlinh lo ti theih bu zongin hawi bantukin nun ve, tuah ve, i hruk-aih ve, din-ei ve kan duh. Mah sining le dirhmun i theihfian a ṭha bik. Theihfian lawng a za lo, kan dirhmun kha kan cohlan a herh. Cun kan dirhmun kha kan zahpi lo a herh. Mah dirhmun aa thei lomi, aa thei ko nain a cohlang lomi le a zahpimi cu mihrut taktak an si. Ma Min Min Khain bantukin dikari lakah ah cawlng in na kal duh hnga maw?

Cawlng in dikari laknak ah a kal ah khan ahohmanh nih an nihsawh lo, an nautat lo. A dirhmun a theih i a zahpi lomi kha an hmuh tikah an thangṭhat i an lawmh lehlam. Kan dirhmun te hi zahpi hlah usih.

Leave a Comment

Your email address will not be published. Required fields are marked *