KHUARUAHHAR GUOLIANG LUNGKUA LAM

KHUARUAHHAR GUOLIANG LUNGKUA LAM

Guoliang lungkua lam hi Tuluk ram Henan ramkulh ah a ummi Guoliang khua le Huixian khuapi pehtlaihnak le hlatkainak lam a si. Guoliang khua hi pe 600 leng a sangmi lungpang cungah a ummi a si.

Han siangpahrang a rak dohtu pakhat nih a tlikzamnak le aa thuhnak ah a rak tlakmi khua a si. Tlang nih an kulhmi a si caah khuadang le peng dang he pehtlaihnak ngei loin a ummi khua a si.

Cuticun 1972 ah Shen Mingxin nih khuami minung 13 a rak hruaitu hna i hi lungkua lam cawh hi an rak thok. Seh rianáš­uannak zeihmanh an rak ngeih lo caah an thazaang in an rak cawh. Khuami hna nih cun lamcawhnak ah a herhmi thilri cawknak ah an Ar le an Vok an zuar hna.

A sau meter pakhat cawhnak ah nithuman rau. Cuticun a donghnak ah a saulei 1.2 kilometer, a kauhlei pe 13 le a sanlei pe 16 a simi Guoliang lungkua lam cu an lim khawh. Cawh an thok in kum 5 a rauh hnu, 1977 May thla ah Guoliang lungkua lam cu onnak an tuah. Atu ah cun Guoliang lungkua lam cu vawleicung hmanh ah minthang a si cang, mah lungkua lam thawngin Guoliang khua ah khuatlawng tampi an ra lengmang. Muicawl (film) thlaknak zongah an hman lengmangmi a si.

Ref: Wikipedia

Leave a Comment

Your email address will not be published. Required fields are marked *