CAWHNUK NAKIN CAW ZUN A MAN A FAK DEUH Caw A Zuami Hna Caah Thawnpang Ṭha

CAWHNUK NAKIN CAW ZUN A MAN A FAK DEUH

Caw A Zuami Hna Caah Thawnpang Ṭha

India ah pa hna nih caw zun kha sii phunkhat bantukin an din, zeiruangah dah caw zun cu an din hnga? A ṭhatnak an theih caah a si. India ram nitlaklei ah a ummi ramkulh cheukhat ah pa hna nih caw zun kha ṭha tein an donh/lak i an din, cun hmaiphiahnak zongah an hman, A ruang cu arsik kha rianrang tein a tlauter ti a si.

Caw zun nih nih hin hmaiah a ummi arsik, a thakmi, a bo mi le a dang damlonak tete kha caan raulote chungah a damh khawh, ti a si. Mah ramkulh ah a ummi pa hna cu an dam lo tikah siibawi sinah an i piah bal lo. Anmah thiamnak le theihnak hmangin kokel sii in an i thlop tawn .

Cuticun caw zun cu ngandamnak caah a ṭha tuk ti an theih cio tikah mi tampi nih duhmi le cawkmi thil ah a cang. India cozah zong nih 2014 ah ramchung ah a ummi caw hna kha ṭha tein zohkhenhnak tuah dingin nawl an chuah. Cawsa ei khamnak phung an ser pinah phungning loin ramleng ah zuar lo ding zongin biatak tein an kham hna.

Cu lawng si loin India cozah nih 5.8 billion dih in a tar deuhmi le a zawmi caw pawl zohkhenhnak caah inn a sakpiak hna tiah theih a si. Cu inn an saknak i an dihmi tangka vialte cu caw zun le caw ek an zuarmi man in an rulh khawh ṭhan.

India kokek sii lei thiamnak (Ayurveda) ah caw zun hi khuaruahhar in ṭhawnnak a ngei i rianrang tein zawtnak a damh khomi sii a si, tiah an ti. Naite ah khan India scientist pawl nih caw phunkhat (Gyr) timi an zun a ṭhatnak an hmuh.

Gyr timi caw zun ah thil phun 5,100 a um i cu chungah 388 cu zawtnak phunkip caah a ṭhami sii an si, tiah thiamsang hna nih an chim.

Caw zun cu ṭha tein an donh hnuah an thianh i sii phunphun ah an ser. Dur khat (Liter) ah India tangka Rubee 80 in 100 tiang an zuar, tiah theih a si.

Ref: Shwe Thadinzone

Leave a Comment

Your email address will not be published. Required fields are marked *